په کابل کې ۶ طالبانو ته مرګ ژوبله واوښته
د افغانستان د ازادۍ جبهې مبارزینو پرون ماښام د ۱۴۰۳ لمریز کال د سنبله په ۵ مه، د اوپراتیفی عملیات پرمهال د استخباراتو یومشر فضل الحق حقانی دکابل ښار پنځلسمې امنیتي حوزې اړوند د روسانو سرک د پنجصد فامیلي څلور لارې ته نږدې د طالبانو د ډلې د پوستې مخې ته په نښه کړ.
د دې عملیات په نتیجه کې د طالبانو ۴ ملېشه غړي ووژل شول او ۲ نور یې ټپی شوی دي.
په دغو عملياتو کې د طالبانو د ډلې يو هایلکس موټر ويجاړ شوى او له دغه بريد وروسته د ملا حقاني برخليک معلوم نه دى.
